Garigitan

Garigitan! Gaargitan banar tupang, kada sakira! Bapadah kada sahama-hama, balalajuran haja ma haur, sapa nang kada manggarigit, urang lagi asik-asiknya baduaan ba pipicikan, dihaur. Dimapa kada sangit, mun haratan kaya itu, napa habar!
Andai pun andika cam damintu jua, musti haja takaluar jua rasa gaarigitan tu, sing apa an nah!


Bayangkan! Rahat-rahatannya badu dua an ada nang mahaur, maka baluman tuntung ha pulang, masih ma alang-alang masuknya, hayo…! Sapa nang kada karikutan gigi, jaka pang tuntung kada papa, ini….umaa..ai hah..tinggal babarapa datik haja lagi imbah…, jaka hadangi pang satumat nyaman jua. Ini kada! Langsung kada sing bapadahan.
Sudah bayaran nya larang, jakanya kada larang ieh…kada sabarapa jua, mintu ah.
Sudah manalo minggu kada bapipicikan,tinggal ma masuk akan ja lagi, sakali mau ada nang mahaur, maka pas banar wan parak tuntung, itu nang ma ulah pungkala, jaka nang babaya handak mulai di haur, kawa ja kada jadi, ya kalo? Ini di ujung….di ujung sudah…umaa! Tinggal mamicik sakali ja lagi tuntung, aduuhh….ai, asa kada karuan rasa ai lagi, handak ma ulangi lagi gin asa kulir dah, ujar urang tu mati pang rasa. Asa kada basumangat lagi.
Dimapa iki?
Mun kawa tu bapadah pang dahulu, atawa baparamisi sabalumnya, nyaman kawa ma atur waktu, mintu kalo hehehe…
Cuma bagi nang mambaca jangan dahulu ma arah ka nang kada-kada, sual nya kisah nitu pas lagi man test masuk masuk ka salah satu situs( newbie pang ) lampu mati pas handak mamicik tombol enter(masuk am), kabalujuran tadahulu mati lampu, maka nya am garigitan banar! Jaka matinya lawas takurang jua sangkalnya, ni kada! Babaya malikit lilin, banyala pulang! Kadakah pilu! Jaka urang lain nang ma alami bisa kaluaran sumpah sumpah nang bangat lagi, bisa ta ucap bungul bangsat tu pang. Untungnya surang ba ingat, sapa jua nang di sumpahi, Cuma garigitan jua ieh…
Sudah dulu gin lah, bila bila kah pulang.
Salamat mambaca ja buhannya ai. Wow..