es batu! jangan di amalakan

Tiga hari sudah asa kada karuan rasa. Napang mun liwar panas, pina banyak jua kakawanan nang liut bapuasa, wan banyak jua buhannya tabantai…. Manahani, behhhh….bilang liwar tu pang… kada sadikit jua buhannya nang tagaring-garing, han tu pang nikmatnya bapuasa tahun nang ini, awal puasa samalam tu samingguan aur hujan-hujan haja, dapatnya wayah ini panas manggantang… katia kada karuan rasa… kakawanan haja banyak nang mangaluh” umaaaa panasnya ieh” hidung asa bahingusan tarus, awak pina ma uyuh, asing-asingnya buhannya baingkutan tissue gasan mamaus, oooooo….rupanya ni ada parubahan cuaca sakalinya leiii,,,, pantas haja, syukur unda kawa haja manahani, mbahanu ta umpat jua saurang wahin-wahin, “ haaa….haaa….haaaa ciiiissssss” han napa jar ku, sapa garang nang mambawa virus ngini?
Pas babuka tadi, unda kada langsung sumbahyang tapi babuka baju, kahumapan wal ai, napang mun limbui wan tapaluh li-ir sa awakan, sambil mangitik baruku mahadang paluh karing, hehehe…dasar panas babanaran!
Kaingatan wayah unda bahari batanam banih, bangat pada hari ini wal ai…handak tahu lah… waktu itu pas bulan pusa jua unda ma ambil upah, mana hari panas manggantang, banyu pahumaan ja gin panas banar karasaan di batis napang mun barandam haja saharian, sambil batungging mananami banih nang sudah pada baricih, jar urang tu bajalan ba undur bakulehan. Asa patah tu pang pinggang. Satutumat marata akan sakira kawa pulang batungging hehehe…
Mun nang dua talu hari ini kada saapa lagi, masih biasa haja tagal mun nang hahanyaran marasa maka lah am, bilang kada sakira panasnya jar.mintu kalu?
Apalagi ada nang katuju wan is batu babuka atawa malam katuju maminum is batu labar am… siangnya jaga kam! Marasa tu…asa bakalangan tu pang rakungan, napang! liur asa karing, handak di kaluarakan ngalih banar, handak minum katia puasa, napa ada lagi pada tinggal marasa akan ja lagi…
Saran unda buhannya ail ah…” musim nang ngini jangan tapi maminum wan is batu lah, mun cagar manyakiti saurang, baik paraya! Ingati ja kada tasalah pang, biar ikam baliuran handak minum is batu, jangan digawi kasian ikam jua…!
Banyak sudah kajadian nang kaya itu, kada sahibar bagaya pang! San apa jua ya kalo? Unda ni parnah jua marasa kaya itu, makanya unda tulis, kalo pang bubuhan blogger kita ada nang macam mintu…mun kawa jangan di amalakan…

Umaaii unda ni pina bapapadah banar ai, ampun maaflah buhannya! Kada bamaksud nang kaya itu pang, supaya buhan kita ni nyaman bapuasa mintu banar ai, ujar urang tu tampulu kita tahu maka padahi bubuhannya ya kalo?
Maka puasa kita sasain parak habis sudah sasain pina bapanas haja harinya…tulung ai di jaga awak kita nang ngini, biar puasa kita kawa tuntung sabulanan…nangini cubaan gasan kita-kita buhannya ai.
Ayuja nah unda undur diri dahulu nah, lain kasampatan kita batamuan pulang, dimana manakah? Mun pina basulisihan di jalan di kiyau…jangan pina kada hiran-hiran wan kawan, mun pinandu jua, mun kada pinandu sarana ah dikiyau…tapi jangan baculas wan kawan, mantang mantang pinandu wan kawan nang bakandaraan, kiyau barait…kada tahu kawan tarujuk lubak, gara-gara bapaling mancari-i sapa nang mangiyau, jangan jua nang kaya itu, kasian kawan! Pacang tasumbalit…hehehe
Kada papa buhannya ai sakadar mamadahakan banar ai, asal tahu ja tu. Nang ngaran wadah kita ni jalan pina banyak jua lubaknya hehehe…asal jangan tatamu wan lubak nang bajalan haja, tu maka lah am lain kisahnya…pacang batawar haraga pulang ngalih di kisah dah mun kaya itu. Pa lagi tatamu nang bapander kaya ini” ku kada mun marayu-rayu, kada mun manawar-nawar! Mun mau tiga ribu main kita” beeehhhh…pacang hancur puasa kita dapatnya.
Tapi asal kuat haja iman kita insya allah kada papa. Tuntung haja puasa kita tahun ngini…ya kalo?
Naaaahhhh, sadang dah, paluh karing sudah napa lagi, umpat kah mandi! Byuuuurrrr…ahhhh sigaaaaar banar rasanya…bakubui banar tu pang nah…
Ayuja dangsanak ai, nang handak tarawih, tarawih haja dahulu. Aux cabut nah undur diri.
kada sampat mamosting paksaai habis basahur....hehehehehe....

Salam wan bubuhan blogger banjarbaru nang tagabung di komunitas kayuh baimbai wan komunitas blogger banjarbaru menulis(BBM).